«От – досымыз, от – жауымыз»

28.11.2025 ж. Балауса бөбекжайында балалардың қауіпсіздік мәдениетін қалыптастыру және өрттің алдын алу мақсатында «От – досымыз, от – жауымыз» атты танымдық іс-шара өткізілді. Іс-шараға арнайы Өрт сөндіру қызметінің мамандары келіп, бүлдіршіндермен кездесу ұйымдастырды.
Шара барысында өрт сөндіру қызметкерлері мен бөбекжай ұжымы балаларға оттың пайдасы мен зияны жөнінде көрініс көрсетіп,түсінікті әрі қызықты түрде әңгімелеп берді. Отты дұрыс пайдалану, қауіпті заттармен ойнамау және өрт туындағанда өзін қалай ұстау керектігі жайлы маңызды ақпараттар берілді. Мамандар балаларға өрт қауіпсіздігі белгілерін таныстырды, эвакуация кезінде сақталатын ережелерді көрсетті.
Өрт сөндірушілер өздерінің арнайы жабдықтары мен формаларын таныстырып, өрт сөндіру құралдарының қалай жұмыс істейтінін көрсетті. Балалар өрт сөндірушілердің техникасын қызығушылықпен тамашалады.
Тәрбиешілер: Сабирова И.Н. 
Баймуханова Ж.К.