Қош бол, балабақша!

Балабақшамен қоштасу!

2021 жылдың, 9- маусымда КММ "Балауса" балабақшасында ерекше естен кетпес күн болды. Осыдан 3 жыл бұрын  кішкентай бүлдіршін болып балабақша табалдырығын аттаған "Жұлдыз" ересек тобының тәрбиеленушілері бүгінгі күні сол балабақшамен қимастық сезіммен қоштасты. Балапандар ортаға шығып өз өнерлерін, білімдерін көрсетті би биледі, ән айтты, өлеңдер оқылды. Мерекеге арнайы Қорғалжын аудан әкімінің орынбасары Дарын Сапарғалиұлы шақырылып,  мерекемізге ортақтасып, балалардың өнерлеріне тәнті болып, өзінің жүрек жарды жылы сөздерімен, арнайы әр балаға дайындап әкелген тәтті кәмпиттерін табыстап, балапандарымызды құттықтады. Сонымен қатар аудандық білім бөлімінің мектепке дейінгі әдіскері Жазира Жанатқызы балапандарымызға балабақша түлектеріне  өзінің тілегін білдірді. Балапандарымыз естен кетпес қоштасу вальсін биледі. Мереке соңында КММ "Балауса" балабақшасының меңгерушісі Баймуханова Заря Қайратқызы өзінің жылы сезімін ақтарып,  мерекелік кешімізді аяқтап, арнайы дайындалған "Балабақшаны аяқтау"дипломдары мен сыйлықтарды табыстады. Жас түлектерге денсаулық және де бақытты балалық шақ тілейміз!!!