“Қыс қызығы” атты спорттық жарысы өтті.

11.01.2024 жылы Қорғалжын ауданындағы “Балауса” бөбекжайы” МКҚК базасында “Қыс қызығы” атты спорттық жарысы өтті. Осымен үшінші жыл қатарынан ұйымдастырылып отырған іс-шараға екі команда қатысты. Спорттық сайысқа бөбекжай тәрбиешілерін мектепке дейінгі ұйымның басшысы Баймұханова Заря Қайратқызы өзі бастап шықты. “Қыран” және “Тұлпар” деген екі топқа бөлінген тәрбиешілер бес кезең бойынша бақ сынасты. Бұл жерде олардың тек спорттық машықтары ғана емес, сонымен бірге жылдам шешім қабылдай білулері де сыналды. Тәрбиешілер арасындағы бәсеке өте тартысты өтті.
Айта кету керек, аталған спорт сайысына Қорғалжын аудандық ардагерлер кеңесінің төрағасы Ахметов Мұхит Шермұханұлы, Балалар мен жасөспірімдерге арналған спорт мектебінің директоры Әлиев Әділхан Серікұлы және Қорғалжын аудандық білім бөлімінің мектепке дейінгі тәрбие мен оқыту бөлімінің әдіскері Уразбаева Әсем Қаматайқызы төрелік етті.
Жалпы, бұл сайысты өткізудегі басты мақсатымыз, бүлдіршіндерге салауатты өмір салтын насихаттау.